RH: Aragagax ayaa ka jira dalka Norwey kadib kolkii uu maanta Booliisku shaaciyey in la layahay Anne-Elisabeth Falkevik Hagen da'deeduna tahay 68 jir,una dhallatay dalka Norway, isla markaasina uu qabo maalqabeen caan ah oo dalkaas laga wadayaqaano .
Haweenaydan ayaa laga afduubey gurigeeda 31.Okt.18 kii , tan iyo xilligaas arinka lama shaacin laakiin Booliisku waxa uu waday hawlgal xoogleh oo uu ku baadigoobayo meesha lala tagey ,
Waxaanu Booliisku ka codsadey qoyska inaaney saxaafada la hadal islamarkaasina aaney dhiibin lacag madaxfursho ah inta ay hawlagalka ku jiraan.
Hadaba arinkan ayaa maanta uu Booliisku shaaca kaqaadey kadib kolkii uu ku guuldareystay in uu soo helo , dambiilayaasha haweenayda afduubey.
waxa uu Booliisku sidaas u yeelay bal in uu caawimo kahelo dadweynaha, isaga oo ka codsadey in ay la soo xidhiidhaan hadii ay wax war ah ka hayaan meesha haweenaydaas lagu haysto.
Arinta kale ee sababtay in uu Booliisku hadlo ayaa ah kadib kolkii ay nimankii afduubey haweenaydu la soo xidhiidheen qoyskeeda isla markaasina ay codsadeen
in madaxfurasho loo siiyo lacag dhan 9 milyan oo Euro isla markaasina ay ugu hanjabeen in ay qudha ka jaridoonaan hadii arinkan uu Booliisku faraha la soogallo.
waxaa diyaariyey
Maxamed-amin Siyaad Cabdi