DDSI Oo Soo Dhaweysay fulinta Goaan ka Soo Baxay Xafiiska Raisal-Wasaaraha Dalka Ethiopia

posted on Saturday, December 2nd, 17

news image

Jig-jiga(RH)Golaha dhexe iyo gudiga fulinta ee XDSHSI iyo golaha kabineega ee dawlada deegaanka soomaalida oo ay weheliyaan odayaal dhaqameedka deegaanka ayaa soo dhaweeyay fulinta go’aankii kasoo baxay shirkii duhurnimadii maalintii isniinta ka dhacay xafiiska raisal-wasaaraha Dalka Ethiopia ee magaalada addis ababa ee ahaa in dib goobahoodii loogu celiyo dadkii kasoo kala barakacay labada deegaan ee soomaalida iyo oromada.

XDSHSI iyo xukuumada DDSI oo ay weheliyaan hogaaminta odayaal dhaqameedka deegaanka ayaa shir ay yeesheen waxay hoosta kaga xariiqeen inay dib-ucelinta barakacayaashu tahay qodob dastuuri ah oo uu dadka reer itoobiya u siman yahay meel kasta oo itoobiya kamid ah inuu kunoolaan karo islamarkaana ay soo dhawaynayaan go’aankaraisal-wasaaraha dalka mudane Hailemariam Desalegn oo ay dawlada deegaanka soomaalida itoobiya ay iyadu nabadaynta ugu horaynayaan oo ay bilaabayaan dib-ucelinta dadkii soomaalida ahaa ee kasoo barakacay deegaanka oromada islamarkaana ay si buuxda damaanada nabadgalyadooda uqaadayaan dadkii oromada ahaa ee kabarakacay deegaanka soomaalida ee dib loogu soo celin doono goobihii ay deegaanka soomaalida kaga noolaayeen.


Ugu danbayn, waxay xisbiga, xukuumada iyo shacabwaynaha deegaankuba ay ugu baaqayaan dadkii oromada ahaa ee kabarakacay deegaanka soomaalida gaar ahaan dadkii ganacsatada ahaa inay dib ugu soo laabtaan goobahoodii.Iyadoo uu shacabka soomaalidu uu si diiran oo walaalnimo leh uu si diiran ugusoo dhawayndoono.

Radio Hormuud
Studio 2
Hargeysa/Somaliland
 

Wariye Maxamed Jiciir Aw Axmed



©Radiohormuud.dk ®All rights reserved