Radio Hormuud Studio 2 Hargeysa/Somaliland

Hargeysa(RH):-Madaxweynaha Jamhuuriyadda Somaliland Oo Shacabka Ku Hambalyeeyey Munaasibadda Ciidal-Adxaha Awgeed.

Madaxweynaha Jamhuuriyadda, Mudane Muuse Biixi Cabdi, ayaa shacabka  Jamhuuriyadda Somaliland iyo guud ahaanba ummadda Islaamka ku hambalyeeyey munaasibadda Ciidal-Adxaha ee sannadka Hijriyada Islaamka ee 1443-ka oo maalinta berri ah ku beegan, waxaanu madaxweynuhu u rajaynayaa shacbi weynaha in sannadkan sannadkiisa ay ku gaadhaan bash-bash barwaaqo, nabad iyo caano.

Hargeysa(RH):-Fadhigii 93aad ee Golaha Wasiirrada Jamhuuriyadda Somaliland oo uu shir gudoominayey Madaxweynaha Jamhuuriyadda Somaliland, mudane Muuse Biixi Cabdi kuna wehelinayey madaxweyne Ku-xigeenka Somaliland mudane Cabdiraxmaan Cabdilaahi Ismaaciil (Saylici) ayey ka soo baxeen qodobo muhiim oo diirada lagu saaray arrimo kala duwan oo qaranka dan u ah. Sidoo kale Goluhu waxa uu warbiximo ka dhegeystay Wasiirrada Wasaaraddaha Arrimaha Gudaha, Arrimaha Dibedda iyo Iskaashiga Caalamiga ah iyo Diinta iyo Awqaafta.

Hargeysa(RH):-Wasaaradda Arrimaha Dibedda iyo iskaashiga Caalamiga ah ee Somaliland ayaa beesha Caalamka la wadaagtay Mudaharaadadii maanta ka dhacay Magaalada Hargeysa ee ay soo abaabuleen Xisbiyada Mucaaridka Somaliland.

Sidaasina Waxaa lagu sheegay War-Saxaafadeed ka soo baxay Xarunta Wasaaradda Arrimaha Dibadda Somaliland.

Hargeysa(RH):-Madaxweynaha Jamhuuriyadda Somaliland, Mudane Muuse Biixi Cabdi, ayaa maanta shir-guddoomiyey shir ballaadhan oo ay yeesheen guddida dhaqaalaha ee golaha wasiirrada Somaliland, kaas oo diiradda lagu saaray arrimo  kala duwan oo ay kamid yihiin xaaladda Abaarta, Sicir-bararka waddanka ka jira iyo baahida loo qabo sidii maal-gashi loogu heli lahaa kheyraadka dabiiciga ah ee uu dalku leeyahay.

Hargeysa(RH):-Madaxweynaha Jamhuuriyadda Somaliland, Mudane Muuse Biixi Cabdi, ayaa maanta daah-furay shir caalami ah oo lagu lafo-gurayo, lagagana doodayo nabadda iyo dawlad-dhiska, kaas oo uu soo qabanqaabiyey  machadka weyn ee The BRENTHURST Foundation ee uu hoggaamiyo Dr. Greg Mills.

Hargeysa(RH):-Fadhigii 92aad ee Golaha Wasiirrada Jamhuuriyadda Somaliland oo uu shir gudoominayey Madaxweynaha Jamhuuriyadda Somaliland, mudane Muuse Biixi Cabdi kuna wehelinayey madaxweyne Ku-xigeenka Somaliland mudane Cabdiraxmaan Cabdilaahi Ismaaciil (Saylici) ayaa lagaga hadlay qodobbo door ah oo taabanaya nolosha Bulshada.

Hargeysa(RH):-Madaxweynaha Jamhuuriyadda Somaliland Mudane Muuse Biixi Cabdi ayaa maanta Xafiiskiisa ku qaabiley safiirka Midowga Yurub, Amb. Tiina Intelmann oo ay wehelinayeen Safiirka Sweden Amb. Per Lindgarde iyo Maria Groeneveld oo ka socotay Xafiiska Midowga Yurub ee Nairobi.

Hargeysa(RH):-Shir uu gudoominayey Madaxweyne ku-xigeenka Jamhuuriyadda Somaliland Mudane Cabdiraxmaan Cabdilaahi Ismaaciil (Saylici) oo kulan la qaatay culimada dalka iyo qaar ka mida shirkadaha ka shaqeeya arrimaha Xajka ayaa lagu lafo-guray caqabadaha soo wajahay Dadka reer Somaliland ee ku saabsan gudashada waajibaadka xajka gaar ahaan qoondada 350-ka ah ee loo qorsheeyey guud ahaan Jamhuuriyadda Somaliland.

Hargeysa(RH):-Ciidanka Booliiska Somaliland ayaa heegan buuxa la galiyay, kadib mudaharadadii ay ku baaqeen xisbiyada mucaaradka Somaliland.

Taliyaha Ciidanka Booliiska Somaliland Maxamed Aadan Saqadhi Dabagale, oo ciidamo booliis ah u kala diray xaafadaha magaalada Hargaysa, ayaa ku goodiyay in ciidanku ay gacan adag ku qaban doonaan cidkasta oo amni daro abuurta.

Hargeysa(RH):-Dallada guud ee Ururada aan dowliga ahayn ee  Somaliland ee SONSAF ayaa  War-Saxaafadeed ka soo-saartey Khilaafka Axsaabta Siyaasadda Somaliland ,isla markaasina waxay Dallada  SONSAF walaac wayn ka muujisay hakadka ku yimid wada-hadaladii u dhexeeyey Xisbiyada Mucaaridka Somaliland iyo xukuumada ee lagu xalinayay khilaafka ka dhashay Furista Ururada Siyaasada Somaliland iyo Doorashooyinka Soo socda .