Radio Hormuud Studio 2 Hargeysa/Somaliland

Hargeysa(RH):-Maxkamada gobolka Maroodijeex ayaa maanta si rasmiya u ansixisay natiijada guddida doorashooyinka ee golaha degaanka ee degmada Hargeysa, waxaana ansixinta maxkamadda goob joog ka ahaa masuuliyiinta gobolka Marooijeex, saraakiil ka socday saddexda xisbi Qaran, taliyaha ciidanka booliska ee Somaliland, iyo mudanayaasha golaha degaanka ee la doortay.

Hargeysa(RH):-Bah-wadaagta Beesha caalamka ee Jamhuuriyadda Somaliland ka saacida dhinaca dimuqraadiyadda,  ayaa shacbiga, Xisbiyada Qaranka, Komishanka Doorashooyinka iyo Hay’adaha Xukuumadda Somaliland ku bogaadiyey  doorashooyinkii Baarlamaanka iyo Goleyaasha Deegaanka ee sida nabada ah uga qabsoomay dalka  sannadkan 2021ka.

 

Hargeysa(RH):-Madaxweynaha Jamhuuriyadda Somaliland, Mudane Muuse Biixi Cabdi, ayaa isaga oo ka jawaabay baaq  u soo diray Mudane Cabdikariin Axmed Mooge oo ah ka mid ahaa xubnihii golaha deegaanka ee dhawaan ku guulaystay doorashadii dalka ka dhacday, waxa uu  kulan gaar ah la qaatay mudanahan iyo tiro xubno golaha deegaanka caasimadda ee cusub oo ah oo uu hoggaaminayo.

Hargeysa(RH):-Hogaanka Saddexda Xisbi Qaran ee Somaliland ee Kulmiye UCID iyo Waddani ayaa la kulmay Wefti ka socday dalalka Beesha Caalamka oo dalka u yimid arrimaha doorashooyinka isku sidkan ee wakiilada iyo Deegaanka.

Wefdiga ka socday saaxiibada Somaliland ayaa ay kala yihiin Wufuud ka socota 9 dawladood iyo 9 Danjire kuwaas oo ay wehelinayaan Diblomaasiyiin sarsare si ay ugu kuurgalaan arrimaha doorashooyinka JSL ee qabsoomaya 31-ka May.

Hargeysa(RH):-Madaxweynaha Jamhuuriyadda Somaliland, Mudane Muuse Biixi Cabdi iyo weftigii uu hoggaaminayey ee safarka shaqo ugu maqnaa dalka Jabuuti, ayaa maanta dalka dib ugu soo laabtay, waxaana ay ka soo degeen madaarka caalamiga ah ee Cigaal International Airport ee magaalada hargeysa.

Madaxweynaha Jamhuuriyadda Somaliland, Mudane Muuse Biixi Cabdi iyo weftigiisa oo marti-qaad rasmi ah ugu maqnaa dalka Jabuuti

Berbera(RH):-Xukuumada Somaliland ayaa Maanta Magaalada Berbera ee Xarunta Gobolka Saaxil si rasmi ah  uga dhax-dhigtey mashruuc balaadhan oo lagu horumarinayo xeebta Batalaale ee ku taal magaalada Berbera ee Xarunta Gobolka Saaxil, waxaanuu isugu jiraa samaynta dhismeyaal casri ah oo xeebtaasi yeelan doonto, goobo gaadiidka la dhigo, goobo lagu nasto iyo nadiifinta xeebtaas.